張相遮番樣再出過post。
//
【其實我有時都唔係咁鍾意香港】
2014年畢業，投身社會之後
我有好多時都覺得呢個地方令我窒息。
畢業去電台工作，人工九千幾。
我每個月都好窮，窮到有時唔敢同朋友出去食飯
電台係高中開始嘅就夢想住嘅地方
嗰幾年我唔明白點解追夢就要咁撚窮
點解夢想同現實永遠只能二選其一，點解我讀完大學咁窮。
後來想自己搬出去住，發現租金仲高過我份人工
我只可以揀住棺材房，仲窄撚過我依家間房。
到依家步入中女，依然覺得買唔起樓租唔起屋
又覺得結唔起婚，生唔起仔。
呢一年我有種感覺係，活喺香港嘅人都好撚慘
年輕人無法做年輕人應做嘅事，去溝女打波做MK仔
適婚年齡嘅人無法諗未來，結婚生仔？喺香港？seriously?
老年人都無法好好安老⋯呢個地方令人無法安身。
//
頭先見到有張相有個阿叔擔住遮喺暴雨下食飯
我又覺得點解做香港人賤過地底泥。
位於社會金字塔上層啲人成日話下層唔夠努力
何不食肉糜，講到努力就一定可以向上游咁
幾多人已經好努力，但窮就係窮
莫講話安居樂業，呢幾日連安樂茶飯都未食到啦
叫市民同心抗疫忍耐一下
但你知我知單眼佬都知，今次第三波係人為
林鄭呢個吳三桂開關，飲食業娛樂業藍領齊齊陪葬
但溫提一下：佢依然袋緊42萬一個月。
有時我真係好憎香港
因為面對咁多不公義不公平
坐喺冷氣房嘅上層只會叫你：忍耐下、努力下。
一句抹哂你努力過忍耐過，DLLM。
//不信你跟我在無力買的地皮
都有力成為自己。//
IG：@hkgirlfriend
FB：港女友
圖片來源：眾新聞
Search